නාවික සෙබලා එස්.එෆ් ලොකූගේ තොරතුරු වමාරයි
කරාතේ ශූර වසන්ත සොයිසාගේ ඝාතනයේ ප‍්‍රධාන සැකකරු ලෙස සැලකෙන ‘‘ එස්.එෆ්. ලොකූ ’’ හෙවත් ඉරෝන් රණසිංහ නමැත්තා පිළිබඳ වැදගත් තොරතුරු රැසක් පොලිසිය විසින් අනාවරණය කරගෙන තිබෙනවා.
ඒ සිද්ධිය සම්බන්ධයෙන් ඊයේ (29) පස්වරුවේ අත්අඩංගුවට ගත් නාවික සෙබලාගෙන් කරන ලද ප‍්‍රශ්න කිරීම් වලදියි. ඔහු අත්අඩංගුවට ගෙන ඇත්තේ කරෙයිනගර් නාවික හමුදා කඳවුරේ නිළධාරීන්ගේ ද සහය ඇතිව බවයි අනුරාධපුර පොලිසිය පැවසුවේ.
අත්අඩංගුවට ගත් නාවික සෙබලා ‘‘ එස්.එෆ්. ලොක්කා ’’ගේ කුඩා කළ සිට මිත‍්‍රයෙකු බවද මූලික පරීක්ෂණ වලදී අනාවරණ වුණා. ඔහුගෙන් කරන ලද ප‍්‍රශ්න කිරීම් වලදී ඝාතනය සම්බන්ධයෙන් වැදගත් තොරතුරු කිහිපයක් අනාවරණය කර ගත් බවයි පොලිසිය සඳහන් කළේ.
ඝාතනය සම්බන්ධයෙන් මේ දක්වා අත්අඩංගුවට ගෙන ඇති සංඛ්‍යාව 25ක්.
මේ අතර වසන්ත සොයිසා ඝාතනයේ ප‍්‍රධාන සැකකරු ලෙස සැලකෙන ඉරෝන් රණසිංහ නොහොත් එස්.එෆ්. ලොක්කා නමැත්තාගේ විදේශ ගමන් වළක්වමින් අනුරාධපුර ප‍්‍රධාන මහේස්ත‍්‍රාත් අධිකරණය ආගමන විගමන පාලකවරයාට ඊයේ (29) තහනම් නියෝගයක් නිකුත් කළා.
මෙම පුවත තවත් කෙනෙක්ට බලන්න Share කරන්න
