මහින්ද-ගෝඨාභය ඇතුළු 48ක් යුධ අපරාධ ලයිස්තුවේ !
– රාජිතගෙ ප්‍රකාශයට මහින්දගෙන් පිළිතුරු(වීඩියෝ)
ජිනීවාහිදී ඉදිරිපත් වන්නට තිබූ යෝජනාවට හිටපු ජනාධිපති මහින්ද රාජපක්‍ෂ, හිටපු ආරක්‍ෂක ලේකම් ගෝඨාභය රාජපක්‍ෂ මහතා ඇතුළු 48 දෙනෙකු යුධ අපරාධ චෝදනා ඉදිරිපත් කර තිබූ බව ඇමති රාජිත සේනාරත්න මහතා පවසයි.
නමුත් නව ආණ්ඩුව පත් වූ පසු ඔවුන්ට එල්ල වූ එම චෝදනා ඉවත් වූ බවද ඔහු කියා සිටියේය.
කෙසේවුවද, යුද අපරාධ චෝදනා සම්බන්ධයෙන් ජිනීවා මානව හිමිකම් කවුන්සිලයේ සම්මත වූ වාර්තාව සම්බන්ධයෙන් හිටපු ජනපතිවරයා මාධ්‍ය වෙත නිවේදනයක් නිකුත් කරමින්, එම යෝජනාව තුළ ශ්‍රී ලංකාවට එරෙහිව ”භයානක නිර්දේශ” ඇතුළත් වී ඇති බව අවධාරණය කර සිටියේය.
‘අපේ රණවිරුවන් හිරේ දමලා, හිරේ දමන්න බැරි අය “පරිපාලනමය ක්‍රියාදාමයකින්” ආරක්‍ෂක හමුදා වලින් දොට්ට දමලා, ජාතියේ කොඳු නාරටිය බිදලා මේ බලවතුන් සැරසෙන්නේ කුමටද කියලා රටේ මහජනතාවත් අවදියෙන් සිටිය යුතුයි. අපි මේ සිටින්නේ 1948 නිදහස ලැබීමෙන් පසු ජාතියක් හැටියට වඩාත්ම අවදානම් සහගත මොහොතේය යන්න මගේ මතයයි’ නිවේදනයේ වැඩිදුරටත් සඳහන් වේ.
Categories: දේශීය පුවත්, ප්‍රධාන
