ජනපති මැදුරේ භූගත බංකරය හෙලි කරන්නේ මොන බූරුවද..?
– ප‍්‍රසන්න අමු සිංහලෙන් අමතයි..
ජනාධිපති මන්දිරයේ භුගත බන්කරය පිළිබඳව තොරතුරු හෙලි කර ඉන් දේශපාලන වාසි ලබාගැනීමට තැත් කිරීම දැඩි ලෙස හෙලා දකින බවත් එමගින් ආණ්ඩුවේ සැබැ නිරුවත රටට හෙලිවන බවත් ගම්පහ දිස්ත‍්‍රික් පාර්ලිමේන්තු මන්ත‍්‍රී ප‍්‍රසන්න රණතුංග මහතා අවධාරනය කරයි. රටේ ජාතික ආරක්ෂාවට දැඩි ලෙස බලපාන මෙම තොරතුර රටට හෙලි කලේ මොන බුරුවා දැයි ප‍්‍රශ්න කරන රණතුංග මහතා මෙවැනි දේ හෙලි කිරීමෙන් රටට කිසිදු යහපතක් සිදු නොවන බවද පෙන්වා දෙයි. ජාතික ආරක්ෂාව උගසට තබන මෙවැනි පුද්ගලයන් කටයුතු කරන්නේ සිය වෛරී දේශපාලන අරමුණු ඉටුකර ගැනීමට පමනක් බව ජනතාව වටහාගතයුතුව ඇතැයි ඔහු අවධාරනය කරයි.
මෙම තොරතුරු හෙලි කිරීම පසුගිය ජනාධිපතිවරණයේදි කරලියට පැමිනි රනිල් ටී.එන් ඒ. ගිවිසුමේ තවත් කොන්දේසියක් ඉටුකිරීමක් දැයි සැක මතුවන බව රණතුංග මහතා වැඩිදුරටත් කියා සිටියි.
මිනුවන්ගොඩ, උඩුගම්පල ශ‍්‍රී ලංකා නිදහස් පක්‍ෂ කාර්යාලයේ පැවති ක‍්‍රියාකාරී හමුවකදී රණතුංග මහතා මේ බව සඳහන් කලේය. වර්තමාන දේශපාලන තත්වය පැහැදිලි කිරීම සඳහා රැස්වීම කැදවා තිබුනි ගම්පහ දිස්ත‍්‍රික්කයේ සියළුම ආසන නියෝජනය වන පරිදි ශ‍්‍රී ලංකා නිදහස් පක්‍ෂ ක‍්‍රියාකාරීහූ මෙම අවස්ථාවට සහභාගි වී සිටියහ.
‘‘මහින්ද මහත්තයා පරාජයට පත්වෙලා මාස 10කුත් ගෙවිලා ගිහින් හැබැයි තවමත් මේ ආණ්ඩුව කරන්නේ මහින්ද රාජපක්‍ෂ ආණ්ඩුව කරපු වැඩ විවේචනය කරන එක. රාජපක්‍ෂ පාලනය විවේචනය ආණ්ඩුවේ විලාසිතාව වෙලා. තවමත් මහින්ද භීතිකාවෙන් ගැලවෙන්න රනිල් වික‍්‍රමසිංහ අගමැතිවරයාටවත්, යහපාලන නඩයටත් බැරිවෙලා තියෙනවා. මුලින් මේ අය මහින්දට හොරා කිව්වා රත්තරන් අශ්වයෝ ලැම්බෝගිනි ගැන කිව්වා දැන් අලූත්ම මාතෘකාව මන්දිරයේ භූගත බන්කර් මේ රට දශක 03 ක් තිස්සේ ලෝකයේ දරුනුතම ත‍්‍රස්තවාදයකට මුහුන දුන්න රටක් මහින්ද මහත්තයා රටේ ජනාධිපතිකම දැරුවේ යුද්ධයේ
දරුනුම කාලයේ ආරක්‍ෂක උපක‍්‍රමයක් විදිහට හදපු ජනාධිපති මන්දිරයේ භූගත බන්කරය ආණ්ඩුව ප‍්‍රසිද්ධ කරන්නේ හරියට භයානක ත‍්‍රස්ථවාදියෙකුගේ බංකරයක් හොයා ගත්තා වගේ. ඒක මේ ආණ්ඩුව රටේ ජාතික ආරක්ෂාව තුට්ටුවකට මායිම් නොකරන බවට කදිම නිදසුනක්. හැමදාමත් එක්සත් ජාතික පක්‍ෂ ආණ්ඩු බලයට පත්උනාම මේ රටේ ජාතික ආරක්ෂාව පාවලා දුන්නා 2001 දී මිලේනියම් පාවාදීමත් මේ හා සමානයි.අද සිදුවන්නේත් ඒ දේ මයි. මහින්ද රාජපක්‍ෂ ජනාධිපතිවරයා තමයි මේ රට ත‍්‍රස්තවාදයෙන් මුදා ගත්තේ අද මෛත‍්‍රීපාල සිරිසේන ජනාධිපතිතුමා ඉදලා රටේ සාමාන්‍ය පුරවැසියා දක්වා රට තුල නිදහසේ ජීවත්වෙන්නේ මහින්ද රාජපක්‍ෂ මහතාට සහ රණවිරුවන්ට පිං සිදුවන්නයි. එය අමතක කරන්නේ ගුනමකුවෝ. මේ භුගත බන්කරය පිළිබඳව තොරතුරු හෙලි කිරීම රාජ්‍ය ආරක්ෂාවට බරපතල තර්ජනයක් එය බලපාන්නේ අනාගතයටයි මේ නිසා රාජපක්‍ෂ පාලනය පිලිබඳ වෛරය වැපිරීමෙන් පමනක් මේ රට පාලනය කළ නොහැකි බව ආණ්ඩුවේ ප‍්‍රධානීන් වටහා ගත යුතුයි.
වර්තමානයේ යහ පාලන ආණ්ඩුව බලයට පත්වීම සඳහා රටතුල බොරු වැපිරුවා අපේ ජනතාවත් මේ බොරුවලට අහු වුනා දැන් ආණ්ඩුව බලයට පත්වීම සඳහා කියු බොරු අතේ පත්තුවෙලා මේ දෙමුහුන් ආණ්ඩුවට වෙලා තියෙන්නේ ගලේ පැහැරූ බලලාට සිදුවූ දේ. මේ විදිහට ගියොත් අපිට රටක් ඉතුරු වෙන්නේ නෑ මහින්ද රාජපක්‍ෂ ජනාධිපතිතුමා අපිට නිදහස් කරලා දීපු රට අපේ දරුවන් වෙනුවෙන් සංවර්ධනය කරදීපු රට මේ වනවිට සම්මුතිවාදයේ නාමයෙන් මේ ආණ්ඩුව විනාශකරමින් තිබෙනවා.
ජිනිවා යෝජනා ක‍්‍රියාත්මක කරන ලෙස ආණ්ඩුව දිරිගන්වමින් ඇමරිකාව සැකසූ යෝජනාව රටට බරපතල අනතුරුදායක යෝජනාවක් ආණ්ඩුව මේ ගැන උදම් ඇනුවත් ඇත්තටම මේ යෝජනාවලිය ආඩම්බර විය හැකි යොජනාවලියක් නෙවෙයි. ඇමරිකාවට අවශ්‍ය දේ ඉටුකලොත් ඒක රටේ අනාගතයට වඩාත් භයානක ප‍්‍රතිඵල ගෙනදේවි. රට හමුවේ පවතින මේ අනතුරුදායක තත්වය අපි ජනතාවට තේරුම් කරන්න හදනකොට ආණ්ඩුව ඊට බාධා පමුනුවනවා ජිනිවා යෝජනාවලට එරෙහි ජනමතය මර්ධනය කිරීම හරහා ආණ්ඩුව මේ ගමන්කරමින් තිබෙන්නේ ඒකාධීපති පාලනයකටයි. සම්මුතිවාදය එකාධිපති වාදයක් වී ජනතා මතය යටපත් කරන්නයි මේ උත්සහ දරන්නේ පාර්ලිමේන්තුවේ නිල විපක්‍ෂය මේ හමුවේ මුනිවත රකිනවා ජනතා විමුක්ති පෙරමුණත් අලියාගේ තුරුලේ නැලවෙනවා එක්සත් ජනතා නිදහස් සංධානයේ විපක්‍ෂ මන්ත‍්‍රී කණ්ඩායම තමයි පාර්ලිමේන්තුව තුලත් ඉන් පිටතත් සැබැ විපක්‍ෂය ලෙස කටයුතු කරන්නේ.
පහුගිය මැතිවරණයේදි ජනතාව අපට ලබා දුන් ජනවරමට පිටුපාන්න අපි සුදානම් නෑ එක්සත් ජාතික පක්‍ෂයත් එක්ක දීග කන්න ශ‍්‍රී ලංකා නිදහස් පාක්‍ෂිකයෝ අපිට ඡුන්දේ දුන්නේ නෑ. ආණ්ඩුවට එරෙහිව රටතුල පුළුල් ජනමතයක් ගොඩනගන්නට ඒකාබද්ධ විපක්‍ෂය සමග එක්ව අප කටයුතු කරන්නේ ඒ නිසයි. එහිදි ජීනිවා යෝජනාවල ඇති අනතුරුදායක තත්වයත් ආණ්ඩුව ජනතාවට කන් නොදි යන්නට උත්සහ කරන ප‍්‍රජාතන්ත‍්‍රවිරෝදී ගමන පිළිබඳවත් පුළුල් ජනමතයක් රටතුල ඇති කරනවා මේ ගමනේදි අපිට විවිධ තාඩන පීඩනවලට ලක්වන්නට සිදුවේවි. ඒත් අපේ සටන අප අවසන් කරන්නේ රටතුල ජනතාවාදී ආණ්ඩුවක් බිහිකරලයි. ඒ වනතුරු අපේ සටන නතරකරන්නේ නෑ.
– ප‍්‍රදීප් අනුර කුමාර
