"මින් පෙර සිරියාව, ලිබියාව, ඇෆ්ගනිස්ථානයෙත් ගේම් ගහලා" පාස්කු ත්‍රස්ත ප්‍රහාරය පසුපස මෙරට ඇමෙරිකානු තානාපතිනිය
පසුගියදා මෙරටට එල්ල වූ පාස්කු ත්‍රස්ත ප්‍රහාරය සමස්ත් ශ්‍රී ලංකාවම ඇනහිටවීමට සමත් වුනා. ඒත් සමගම මෙරටට ඇමෙරිකානු හමුදා කණ්ඩායම සහ FBI පොලිස් කණ්ඩායම්ද පැමිණීම සිදු වුනා.
මේ අතර අස්ථාවර වූ ශ්‍රී ලංකාවේ නේටො හමුදා කඳවුරක් ඉදිකිරීමේ සුදානමක් පිළිබඳවද ජාත්‍යන්තර මාධ්‍ය වාර්තා කළා. ඉස්ලාමීය අන්තවාදී ත්‍රස්ත කණ්ඩායම් ඔවුන්ට හෝ නොදැනෙන ලෙසට ඇමෙරිකානු එක්සත් ජනපද ඔත්තු සේවය වන C.I.A සංවිධානය සූක්ෂමව භාවිතා කරමින් තමන්ට අවශ්‍ය රටවල් අස්ථාවර කරවන බවට ඉතිහාසයේද ඕනෑ තරම් උදාහරණ පවති.
මේ සම්බන්ධයෙන් ඉතා ආන්දෝලනාත්මක හෙළිදරව්වක් විමල් වීරවංශ මන්ත්‍රීවරයා සිදු කර තිබෙනවා. විමල් වීරවංශ මන්ත්‍රීවරයා ප්‍රසිද්ධ වී තිබෙනුයේ ජාත්‍යන්තර දේශපාලනය පිළිබඳ ඉහළ හැදෑරීමක් ඇති මෙරට දේශපාලකයන් කිහිපදෙනාගෙන් අයෙකු ලෙසටය.
ISIS තලේබාන් අල්කයිඩා ආදී ජාත්‍යන්තර ත්‍රස්ත සංවිධානය විසින් අඩපණ කරන ලද සෑම රටකම ඇමරිකානු තානාපතිවරිය ලෙස වර්තමානයේ මෙරට සිටින අමෙරිකානු තානාපතිනිය කටයුතු කර ඇති බව පාර්ලිමේන්තු මන්ත්‍රී විමල් වීරවංශ මන්ත්‍රීවරයා පවසනවා.
වත්මන් ශ්‍රී ලංකාවේ සිටින ඇමරිකානු තානාපතිනිය සිරියාව ලිබියාව ඇෆ්ගනිස්ථානය යන රටවල ඇමෙරිකානු තානාපති ලෙස කටයුතු කර ඇති බවද මන්ත්‍රීවරයා පෙන්වා දෙනවා. අද රට තුළ ඇති වී තිබෙන හදිසි තත්ත්වයට ජාත්‍යන්තර සහාය ලබා දෙන බව පවසමින් රට තුළට ඒමට සැරසෙන්නේ එක්සත් ජනපද අධිරාජ්‍යවාදය බවද මන්ත්‍රීවරයා සඳහන් කරනවා.
කොළඹදී පැවති උත්සවයක් අමතමින් මන්ත්‍රීවරයා ප්‍රකාශ කළේ ශ්‍රී ලංකාවද තවත් සිරියාවක් ලිබියාවක් බවට පත් කිරීමට ඔවුන්ට උවමනා වී ඇති බවත් සිදු වූ සියල්ල අගමැති රනිල් වික්‍රමසිංහ මහතාගේ දැනුවත් භාවය මත සිදු වූ ඒවා බවත් ය.
මේ අතර පාස්කු ත්‍රස්ත ප්‍රහාරයෙන් පසු මෙරට ඇමෙරිකානු තානාපතිවරිය ෆේස්බුක් වෙබ් අඩවිය ඔස්සේ මෙරට සමාජජාලා පාරිශීලකයන් සමග ප්‍රශ්න සාකච්ඡාමය වැඩසටහනක නිරත වූවා. සාමාන්‍යයෙන් තානාපතිවරුන් එවැනි කටයුතු නොකරන නිසා ඇමෙරිකානු තානාපතිවරිය මෙරට සමාජජාලා ක්‍රියාකාරීකයන්ගේ විවේචනයට ලක්ව තිබුනා.
මෙ පුවත තවත් කෙනෙක්ට බලන්න Share කරන්න
