ආසියානු සංවර්ධන බැංකුවෙන් ශ‍්‍රී ලංකාවට ඩොලර් මිලියන 455ක ණය ආධාර මහින්දගේ ණය විතරද ණය
ශ‍්‍රී ලංකාවේ ප‍්‍රමුඛ ව්‍යාපෘති 03ක් වෙනුවෙන් අමෙරිකානු ඩොලර් මිලියන 455ක ණය ආධාරයක් ලබා දීමට ආසියානු සංවර්ධන බැංකුව එකගතාව පළ කර තිබෙනවා. පිලිපීනයේ රාජ්‍ය සංචාරයක නිරත ජනාධිපති මෛතී‍්‍රපාල සිරිසේන මහතා අද (17) මැනිලා අගනුවර පිහිටි ආසියානු සංවර්ධන බැංකු මූලස්ථානයේ නිරීක්ෂණ චාරිකාවකට එක්වුණා.
එහිදී ආසියානු සංවර්ධන බැංකුවේ සභාපති තකෙහිකෝ නාකා ඕ සමග පැවැති සාකච්ඡdවකදී මෙම එකගතාව පළවූ බවයි ජනාධිපති මාධ්‍ය අංශය පැවසුවේ.
මෙම ණය ආධාරයෙන් ඩොලර් මිලියන 300ක් සැපයෙන්නේ කොළඹ වරායට පිවිසීම සඳහා කුළුණු සහිත මහාමාර්ගයක් ඉදිකිරීමටයි.
විද්‍යා තාක්ෂණික හා මානව සම්පත් සංවර්ධන ව්‍යාපෘතියක් වෙනුවෙන් අමෙරිකානු ඩොලර් මිලියන 145ක මුදලක් ලබා දීමට එහිදී එකගතාව පළ වී තිබෙනවා.
අමෙරිකානු ඩොලර් මිලියන 10ක ණය ආධාරයක් සැපයෙන්නේ නගර සංවර්ධන ව්‍යාපෘතිවල ශක්‍යතා අධ්‍යයනය වෙනුවෙන් තාක්ෂණික ආධාර සැපයීමේ යෝජනා ක‍්‍රමයක් සඳහායි.
මෙ පුවත තවත් කෙනෙක්ට බලන්න Share කරන්න
