ශ්‍රී ලන්කන් ගුවන් සේවය ප්‍රථම ගුවන් භාණ්ඩ ප්‍රවාහන ගුවන් යානය එළිදක්වයි (ඡායාරූප)
ශ්‍රී ලන්කන් ගුවන් සේවය තම ප්‍රථම ගුවන් භාණ්ඩ ප්‍රවාහන ගුවන් යානය සකස් කර එළි දැක්වීම අද සිදුකෙරුණා.
ශ්‍රී ලන්කන් ගුවන් සේවයේ සභාපති අශෝක් පතිරගේ මහතා ප්‍රකාශ කළේ ගුවන් මගීන් ප්‍රවාහනය දැනට ලොව පුරා පැතිර පවතින කොරෝනා වසංගත රෝග තත්වය නිසා අඩාල වී පැවතීම නිසා ශ්‍රී ලන්කන් ගුවන් සේවය මේ අකාරයට ගුවන් භාණ්ඩ ප්‍රවාහන ක්ෂේත්‍රයට පිවිසීම සිදු කළ බවයි.
මෙම උත්සවය අද උදෑසන කටුනායක ගුවන් තොටුපළ 747 ප්‍රධාන නඩත්තු අංගනයේදී පැවැත්වුනා.
මෙම උත්සවය පැවති අවස්ථාවේ එම නඩත්තු අංගනය තුළ ගිනි දැල්වීම තහනම් වීම හේතුවෙන් චිරාගත සම්ප්‍රදායානුකූල පොල් තෙල් පහන දැල්වීම වෙනුවට, විදුලි බුබුළු සවි කර තිබූ පහනක් ආලෝකමත් කර තිබීමයි.
මෙලෙස භාණ්ඩ ප්‍රවාහන ගුවන්යානයක් ලෙස සකස්කර ඇත්තේ ඒ.- 330 - 200 එයා බස් වර්ගයේ ගුවන් යානයක්.
යානය තුළ වූ ආසන ගලවා ඉවත් කර, භාණ්ඩ සුරක්ෂිතව ප්‍රවාහනය කිරීමට යෝග්‍ය වන පරිදි , ශ්‍රී ලන්කන් ගුවන් සේවයේ ඉංජිනේරුවරුන් විසින් දින 10 ක් තුළ ගුවන් යානය සකස් කර තිබෙනවා.
මෙම ගුවන් යානය තුළ ඝන මීටර් 170 ක භාණ්ඩ ඇසිරීමේ පහසුකම් ඇති අතර, ඉන් මෙට්ට්‍රික් ටොන් 45 ක සමස්ථ ධාරිතාවය ඇති භාණ්ඩ තොගයක් එකවර ප්‍රවාහනය කළ හැකියි.
මෙම ගුවන් යානය හෙට (26) පළමු භාණ්ඩ තොගය රැගෙන සිංගප්පූරුව බලා කටුනායක ගුවන් තොටුපළෙන් පිටත්ව යෑමට නියමිතයි.
ඉදිරියේ දී මෙම ගුවන් යානය යුරෝපය, මැදපෙරදිග, ඕස්ට්‍රේලියාව, ඉන්දියාව සහ ඈත පෙරදිග ඇතුළු ගමනාන්ත 20 කට ගුවන් භාණ්ඩ රැගෙන ගුවන් ගතවීමට නියමිතයි.
මෙ පුවත තවත් කෙනෙක්ට බලන්න Share කරන්න
